Google ADS

Paulo Dybala afër largimit nga Juventusi

12:38 | 20 Dhjetor 2017
Arbresh Info

Sulmuesi i Juventusit, Paulo Dybala mund të largohet së shpejti nga Torino për fusha më të gjelbra.

Argjentinasi ka shijuar një fillim të shkëlqyer, por besohet se është përplasur disa herë me trajnerin Max Allegri, transmeton portali arbresh.info. Dybala ka pasur probleme me formë gjatë muajve të kaluar dhe në mënyrë befasuese është lënë jashtë formacionit startues të skuadrës për dy ndeshjet e fundit.

Përveç kësaj, vëllai i lojtarit dhe agjenti Mariano Dybala ka udhëtuar në Paris dhe raportohet se i ka ofruar PSG-së një shans për të nënshkruar me klientin e tij në rast se ata shesin Neymarin te Real Madridi.

Drejtorët e Juventusit janë çmendur kur e kanë kuptuar këtë duke refuzuar bisedimet për kontratë me lojtarin.

Kjo është e mjaftueshme për të sugjeruar që koha e Paulo Dybalas në Torino është afër fundit dhe “Zonja e Vjetër” sigurisht është duke menduar të shes reprezentuesin argjentinas në rast se i shtrohet një ofertë e madhe./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm